لاني احبك
حضيعك من ايدي
صدقيني عشان بحبك حضيعك من ايدي
كان نفسي في يوم ايدك تلمس ايدي
كان نفسي في يوم اشوف قلبي في عنيكي
بس لاني خايف من بكره
وانا مملوكش ليكي غير قلبي انهارده وبكره
ولانك انت ليا بكره
حسيبك تضيعي من ايدي
يمكن تلاقي قلب حنون
قلب طيب ...يستاهل قلبك الحنين
يمكن ينسيكي حبي
يمكن يملئ مكان قلبي
بس الاكيد اني لسه مش ناسي حبك
يمكن تقولي عليا ده سلبي ... مقدرش يصون قلبي .
بس احنا في زمن المال ... غطي علي كل شئ حتي الامال
لاني بحبك
حضيعك من ايدي
هناك 18 تعليقًا:
اصدقائي الاعزاء
واحد وبيعشق واحده
بس المال كان واقف عقبه
المطلوب من الانسه اللي حتعلق تضع نفسها مكان الحبيبه ... حتعمل ايه؟
والشاب مكان العاشق
( ده لو مكانش هو العاشق )
هل حيسيب حبيبته؟
ملحوظه
شاديه وعماد حمدي ماتوا
ارجو تحكيم العقل
مشكله بين ايدكوا
وروني حتحلوها ازاي؟؟؟؟؟؟
طيب
انا اول تعليق
فووووووووووووووووووووووو
رغم انى زعلانه منك بس يلا رمضان كريم وكل سنه وانت طيب
هقولك حاجه كلامك جميل قوووى
بس احنا فى زمن اللى معاه يلزم واللى مش معاها ما يلزموش
انا مش بقولك كده كبرياء او لا سمح الله لانى جربت الحب وعشته وماكنش يهمنى اى حاجه لا مال ولا اى حاجه غير انى اعيش سعيده طالما بحبه وبيحبنى بس للاسف طلع ندل وانسان واطى عاوز كل حاجه ببلاش وفى الاخر يكون هو الصح وانا الغلط احنا فى زمن العاجيب
ربنا يسعدك ان شاء الله وتحقق كل ما تتمنى
رمضان كريم
مودتى
كيموووووو
بصراحة مش عارفة اشكرك ازاى
انووووووس
ايه يا بنتى واخدة المدونة لحسابك
نيجى بقا للبوست
بص من الاخر كدا
الحب لوحده ميأكلش عيش
لكن المال مش شئ اساسى
نكون واقعيين
ونشوف الدنيا صح
انا عن نفسي مبعترفش بالحب اساسا ياعنى مينفعش اعلق بس قولت اغلس
ايه ده ايه ده
زى ما كون يا كيمو
دخلت مدونه غلط اسمهاعذاب فى عذاب
الناس اللى معلقه فوقى دى عامله كده ليه
فى ايه يا بنات
مات خلاص زمن الرمانسيه
اكيد يا كوكى راح زمن شايه وعماد
بس الاكيد ان فى عمروسلمى
هههههههههههههههههه
لا خلاص نتكلم جد عييب
بص يا كيمو انا عن نفسى شايفه ان المال مش عقبه فى حياه او اتنين بيحبوا بعض
واعرف كتير حبوا بجد ولما نوا يكملوا العلاقه دى ربنا وقف معاهم
واعرف ناس تانيه مقدروش يعملوا حاجة
بس اكيد مش معاك فى انك لو حبيت واحده
والمال هو العقبه الوحيده انك تسيبها
لان السعاده مش فى المال صدقنى
وربنا اللى بيرزق
واخيرا
الزواج بون حب خطأ كبير
فالزواج هو الترجمه النثرية لقصه حب جميلة
ده لينك حاجة كتبتها من سنه بتتكلم فى نفس النقطة
http://rodebutterfly.blogspot.com/2008/06/blog-post_14.html#links
عاشقه الاحزان
************
لما القمر يزعل
مين اللي ينور السما
انوووسه
-------
اللي يسيب واحده زيك
يبقي ميستهلش يعيش ليوم السبت ولا الحد
ههههههههههههه
اكيد خسر احلي حاجه مبتجيش غير مره واحد في العمر
اكيد الخير ربنا عطاهولك
دومتي بسعاده وخير
koketa
=========
ايه انا قربت انساكي
حمدلله علي السلامه
منوراني
koketa
-------
كلامك ده معناه محدش يحب
صح كده ولا انا فهمت غلط
ماء تشرين
-----------
اسف اني سمعت ده منك
يعني مفيش بنأدمين جواكي
طوبه
ههههههههههههههههه
ما علينا
غلستي متشكرين
ههههههههههههه
منوراني
السلام عليكم ورحمه الله وبركاته ،،
الإنسان ده ليس عليه سوى الدعاء فقط لأن بجد الزمن عاد صعب أوى وتكاليف الزواج شاقه جدا ..يدعى فى رمضان وان شاء الله ربنا هييسر له الخير
شكرا لمروركم بمدونتى وكل عام وأنتم بخير
الفراشه الصغيره
**************
يمكن يكون كلامك في شئ من الصحه
بس بنات حوا مش زي بعضهم
واللي ممكن تقبليه انت
مش بالضروره تقبله غيرك
ضيفي علي كده ان الفئه
اللي انت قاصداها قليله جدا
وان اتموا مشروع الزواج
بيملوا في اول الطريق ده لو فرضنا ان هم اساسا مشوافيه
ام الاهل خليهم علي جنب
طبعا مش حيقبلوا علي بنتهم كده
واهل الولد مش حيرضوا اتمام الزواج
لايمانهم بفشله
علي العموم
منورني ياباشا
هديل الروح
***********
اسمك جميل جدا
واتمني التواصل
منوراني
إرسال تعليق