الجمعة، 31 يوليو، 2009

اسمع سكوتك




اسمع سكوتك

حبيبي اسمع سكوتك من بين شفتيك

اري الحب يخرج من بين عينيك

اسمع قلبك يناديني لاكون بين ذراعيك

ولكني اريدك ان تنطق بها وتخرجها من بين شفتيك

كلمه حين تقولها تلقي بي بين ذراعيك

تملكني طوال العمر اليك

اقسمت بالله عليك

فكم اشتقت اليك

ان لا يطول صمتك وانا بين يديك

فأطلقها من بين شفاتيك

اتسمعني....!

ام لم يعد هناك فائده من الحديث اليك

ولكني لم يبقي لي سوي ان اسمع سكوتك

وانا بين يديك

فيبدوا لي انني قد عشقتك

لا...بل سماع الصمت من بين شفاتيك





الثلاثاء، 21 يوليو، 2009




كنت سارح في حبيبتي

وانا بعمل كوبايه شاي

وقولت لنفسي اول ما حشوفها

حســـــــــــألها كام سؤال؟

هو انت حاسه بيا ...؟

طب دايبه فيا...؟

طب انت ضحكت عنيا...!

ولا انت فاكره ان انت واحد من الف واحده مسكوه في ايديا

ساعات افكر واقول بحبك

وساعات اقرر اسبني منك

طيب فين حلاقي انا احلي منك

وبعترفلك انك عنيا

واما بشوفك في شبر مايه

تغرق عنيا في حلم ليا

خنقتيني ومش عارفلك حل

غلبتي امتحانات الثانويه اللي ملهاش حل

شوفي بقي ومن الاخر

انا اخذت قرار هو الاخر.................

وفجأه سمعت صوت الشاي

ايوووه ده شكله فار من فوق النار

اه منك لله اخذت بقي منك ايه

غير ان كوبايه الشاي فاره من فوق النار

م انا كنت سارح في حببتي

وانا بعمل كوبايه شاي

الجمعة، 10 يوليو، 2009

مركب شراع


شوفت مركب شراع عجباني
حبيت اركب فيها ...لاقيت الصياد نداني
قالي تعالي اركب معايا حتشوف وتسمع احلي حكاوي
وفي بحر الحب ركبت معاه وكنت في البدايه سارح
شوفت ناس غريبه
ناس جواها الشر لكن بتظهر الطيبه
شوفت حب طاهر بس الناس ظلمهم ليه فاجر
شوفت بنت حلوه جميله ...هاديه وفيها الطيبه
قربت منها لاقيتها صوره ..ودموعها في عيونها مرسومه
قالتي امشي وارحل لتكون في يوم زيي صوره حزينه
ده مش زمنك ولا زمني
ماهو خلاص راح زمن الطيبه
بصيت للمركبي لاقيته بيبكي
قولتله وصلني للشط وسبني
مش ناوي احب ..ولاعايز احب..ولاحكسر قلبي في يوم من الحب
رد المركبي وقالي
عمر العيب ما كان في الحب
لكن العيب في اللي مبيعرفش يحب
رددت وقولت ياعني احب؟؟؟؟
سكت المركبي وقال .........
وصلنا الشط