حسيها بقي ....مش لازم اقولها
بحبك وبموت فيكي
وبتجنن لو مسمعتش صوتك ..او حتي اي صوت يطمني عليكي
صدقيني... انا قلبي عليكي
بس مقدرش اقولك ان روحي دايبه فيكي
دانا ياما حلمت بايدي وهي ماسكه في ايديكي
والشمس والمايه حوالينا....والهوا بيداعب عنيكي
عليكي ابتسامه ..تشوفهاعنيه.. تسكن في قلبي يضحك ويبكي
كأنه طفل ما بين ضلوعي نفسه يكون مابين ايديكي
لااقدر الومك لو رافضه حبي ولا اقدر اخونك لو دست قلبي
لو كان بالكلام مش هقدر اوصل
حسيها بقي مش لازم اقولها
دي الناس كلها عرفا اللي بيا
كل اللي انا حاسه باين في عنيا
حسيها بقي.... !!
